Angela Merkel úshinshi merzimge qaıta saılandy
ASTANA. 18 jeltoqsan. QazAqparat - Hrıstıan-demokratııalyq odaǵynyń kóshbasshysy Angela Merkel býndestag depýtattarymen (parlamenttiń tómengi palatasy) german úkimetiniń basshysy bolyp bekitildi, dep habarlaıdy RBK.
Germanııada 22 qyrkúıekte ótken parlament saılaýynda kantsler Angela Merkeldiń partııasy jeńiske jetti. Saılaý qorytyndysy boıynsha Angela Merkel eldi qatarynan úshinshi merzim basqarady.
Daýys berý qorytyndylaryna qaraǵanda, Merkeldiń konservatıvtik Hrıstıan-demokratııalyq odaǵy men onyń odaqtasy Hrıstıan sotsıaldyq partııasy 41,5 paıyz daýys jınaǵan. Biraq basqarýshy koalıtsııadaǵy seriktesi Erkin demokratııalyq partııasy parlamentke ótýge qajetti bes paıyzdyq mejeni jınaı almady.
«Úlken koalıtsııa» Hrıstıan-demokratııalyq odaǵy sotsıal-demokrattarmen býndestagtaǵy 631 orynnyń 504-in alyp otyr. Demek iri partııalardyń barlyq depýtattary koalıtsııalyq úkimet qurýdy qoldap otyrǵan joq degen sóz.
Angela Merkel - ekinshi dúnıejúzilik soǵysy aıaqtalǵan ýaqyttan beri Germanııa tarıhynda Konrad Adenaýer men Gelmýt Koldan keıin úshinshi merzimge saılanǵan kantsler bolyp otyr.
Eske sala keteıik, keshe GFR tarıhynda tuńǵysh ret Qorǵanys mınıstri bolyp áıel adam - Hrıstıan-demokratııalyq odaǵynyń ókili, burynǵy Eńbek mınıstri Ýrsýla fon der Lıaıen taǵaıyndalǵany málim boldy.
