Angela Merkel shańǵy teýip júrip, jaraqat aldy
ASTANA. 6 qańtar. QazAqparat - GFR kantsleri Angela Merkel shańǵy teýip júrip, jaraqat aldy, dep habarlady Ýtro.rý.
Sheteldik BAQ osy oqıǵaǵa baılanysty ol josparlanǵan kezdesýin keıinge qaldyrǵanyn jazady. Oqıǵanyń mán-jaıy ázirge belgisiz.
Al RBK onyń Shveıtsarııada demalyp jatqan kezinde shańǵy teýip júrgende, qulap, jambas saqınasyn zaqymdaǵanyn habarlady. Bul týraly Bild basylymy GFR úkimetiniń baspasóz hatshysy Shtefan Zaıbertke silteme jasap málimdegen. Basylymnyń naqtylaýynsha, kantsler aldaǵy úsh aptaǵa josparlanǵan barlyq kezdesýleri men saparlaryn keıingi qaldyrǵan.
Budan buryn ótken jyldyń jeltoqsan aıynda Merkeldiń lımýzıni jol-kólik apatyna ushyraǵan bolatyn. Degenmen onda eshkim de zardap shekpegen edi. Kantslerdiń mashınasy da eleýli zaqymdanǵan joq.
