Angela Merkel mıgranttardyń toqtaýsyz kelýi Germanııany ózgertedi dep eskertti
ASTANA. QazAqparat - Kantsler Angela Merkel Eýropaǵa mıgranttardyń tolassyz aǵyny Germanııany ózgertip jiberetinin eskertti, dep jazady «VVS» agenttigi.
Kantslerdiń aıtýynsha, GFR bıligi bosqyndarǵa panalaıtyn oryn daıyndaýdy jedeldetip, kómek úshin qosymsha qarajat bóledi. Alaıda, Germanııa bul problemany jalǵyz ózi sheshe almaıtynyn aıtqan kantsler EO-ǵa múshe memleketterdi osyndaı sharalar qoldanýǵa shaqyrdy. Buǵan deıin GFR basshylyǵy bosqyndar máselesine 6 mlrd. eýro bólinetinin jarııalaǵan. Jospar boıynsha elde shamamen 150 myń adamǵa arnalǵan bosqyndar úshin jańa lagerler salynady. Sondaı-aq, tildi meńgerý jáne mıgranttardy biriktirý baǵdarlamalaryna da qosymsha qarajat bólinbek. Qosymsha qarjylandyrý baǵdarlamasy polıtsııa qyzmetkerleri sanynyń da 3 myń adamǵa kóbeıýin qarastyryp otyr.
