Angela Merkel HDO partııasynyń basshylyǵynan ketýge nıetti
BRıÝSSELЬ. QazAqparat - Germanııa kantsleri Angela Merkel 2000 jyldan beri basqaryp kele jatqan «Germanııanyń hrıstıan-demokratııalyq odaǵy» (HDO) partııasy basshysynyń qyzmetinen ketedi, dep habarlaıdy «QazAqparat» HAA tilshisi Spiegel Online-ǵa cilteme jasap.
Bul týraly A.Merkel dúısenbi kúni tańerteń partııa prezıdıýmynyń otyrysynda málim etti. HDO jańa basshysyn saılaý jeltoqsanda ótýi tıis.
Onymen bir mezgilde Merkel Germanııa kantsleri bolyp qala bermek. Aıta keteıik, buǵan deıin ol partııa basshylyǵy men kantsler laýazymy ajyramas qyzmetter ekenin birneshe márte atap ótken bolatyn.
Basylym A.Merkeldiń bul sheshimin HDO-nyń Gessen federaldyq jeriniń parlamentine ótken saılaý qorytyndysymen baılanystyrýda. Onda partııa nebári 27 paıyz daýys jınaǵan. Bul ótken saılaýǵa qaraǵanda 11,3 paıyzǵa az.
