Angela Merkelge ekpe salǵan dáriger koronavırýs juqtyrǵan: Kantsler karantınde jatyr
BRıÝSSELЬ. QazAqparat – Germanııa kantsleri Angela Merkel COVID-19 vırýsyn juqtyrǵan dárigermen qarym-qatynas jasaǵan soń karantınge jatqyzyldy. Bul týraly kantslerdiń resmı ókili Shteffen Zaıbert málimdedi, dep habarlaıdy QazAqparat tilshisi.
«Juma kúni atalmysh dáriger kantslerge pnevmokokk ınfektsııasyna qarsy ekpe jasaǵan bolatyn. Keıinnen ol koronavırýstyń bar-joǵyn anyqtaý úshin testileýden ótken, sóıtip onyń qaterli indetti juqtyrǵany belgili boldy. Bul jaǵdaı búgingi baspasóz konferentsııasynan keıin kantslerge habarlandy», - deıdi Zaıbert.
Onyń aıtýynsha, kantsler tez arada úı karantınine oqshaýlaný jóninde sheshim qabyldaǵan.
«Ol aldaǵy birneshe kún boıy tekserilip, udaıy baqylaýda bolady. Óıtkeni qazirgi satyda testileý naqty nátıje kórsetpeýi múmkin», - dep atap ótti kantslerdiń resmı ókili.
Angela Merkel karantınde jatsa da, óziniń qyzmettik mindetterin atqara beredi.
