Ańǵa shyqqan búrkitshiniń muzdan jasalǵan músini halyqaralyq jarysta júlde aldy
KÓKShETAÝ. QazAqparat - Reseıdiń Krasnoıarsk qalasynda jyl saıyn «Sibirdiń tańǵajaıyp muzy» atty halyqaralyq festıval uıymdastyrylady.
Festıval kezinde músinshiler qar men muzdan ártúrli kompozıtsııalar jasap, sheberlikterin ortaǵa salady. Atalmysh óner dodasyna Qazaqstan atynan Aqmola oblysynyń mańdaıaldy sýretshisi, daryndy músinshi Manarbek Burmaǵanov óziniń shákirti Áset Ahmetovpen birge qatysyp, qazylar alqasynyń sheshimimen arnaıy júldemen marapattaldy, dep habarlaıdy «QazAqparat» HAA tilshisi.
Qatarynan besinshi jyl ótkizilip otyrǵan festıvalǵa Kanada, Polsha, Belarýs, ıAkýtııa men Tyva elderinen, sondaı-aq, Reseıdiń birqatar qalalarynan aıtýly músinshiler qatysty. Baıqaýda qatysýshylar eki atalym boıynsha ózara baq synasty. Máselen, on top qardan músin jasasa, taǵy da on komanda muzdan músin jasaý boıynsha óz ónerlerin ortaǵa saldy.
«Meniń ustazym Manarbek Burmaǵanov maǵan osy baıqaýǵa qatysýǵa usynys bildirgende birden kelistim. Sebebi, mundaı óner dodalaryna qatysý kimge bolsyn úlken mártebe. Biz «Ańshy» atty kompozıtsııamyzda arǵymaqqa minip, qolyna búrkit ustap, janyna qumaı tazy ertip, qansonarda qanjyǵasyn maılaǵan ańshy beınesin muzdan qashap jasadyq. Ónerimizdi tamashalaǵan reseılikter men qala qonaqtary rıza boldy», - dedi A.Myrzahmetov atyndaǵy Kókshetaý ýnıversıtettiń oqytýshysy Áset Ahmetov.
