Andjeı Dýda Polsha prezıdenti bolyp qaıta saılandy - exit poll

VARShAVA. QazAqparat – Polshanyń is basyndaǵy basshysy Andjeı Dýda prezıdent saılaýynyń ekinshi kezeńinde 50,4 paıyz daýys jınap, jeńiske jetti. Onyń qarsylasy – Varshava meri Rafal Tshaskovskıı elektorattyń 49,6 paıyz daýysyna ıe boldy. Bul - exit poll nátıjesi, dep habarlaıdy QazAqparat PAP agenttigine silteme jasap.

Exit poll málimetteri jergilikti ýaqyt boıynsha saǵat 21.00-de jarııalandy.

Polshanyń Memlekettik saılaý komısııasy resmı nátıjelerdi 13 shilde kúni málim etpek.

Polshadaǵy prezıdent saılaýy eki kezeńmen ótti. Alǵashqysy 28 maýsymda boldy.

Eldegi eń joǵary laýazymǵa 11 kandıdat úmitker boldy. Ekinshi kezeńge solardyń ekeýi ótti - is basyndaǵy prezıdent Andjeı Dýda. Ony bıliktegi - «Quqyq jáne ádildik» partııasy qoldap otyr. Sondaı-aq «Azamattyq platforma» iri oppozııalyq partııasynan Varshava meri Rafal Tshaskovskıı bar.