Andjelına Djolıdiń «Uıqydaǵy arý» fılminiń jańa nusqasy qazaq tilinde kórsetiledi
ASTANA. QazAqparat - Qazaqstanda Andjelına Djolıdiń qatysýymen «Disney» stýdııasymen túsirilgen «Uıqydaǵy arý» fılminiń jańa nusqasy qazaq tilinde kórsetiledi, dep habarlaıdy «Meloman» portaly.
Disney stýdııasynyń «Malefısenta» fılminiń Qazaqstandaǵy kórsetilimi 2014 jyldyń 29 mamyrynda bastalady. Bul eski «Uıqydaǵy arý» fılminiń jańa nusqasy. Ondaǵy oqıǵanyń jelisin zulym mystan (Andjelına Djolı) áńgimeleıdi. Onda kórermender epıkalyq qaqtyǵystarǵa toly sıqyrly álemge sapar shegedi.
«Malefısenta» 2014 jyly Gollıvýdtaǵy stýdııanyń qazaq tiline aýdarylǵan ekinshi fılmi bolmaq. Qazaq tilindegi dýblıajdy «Bolashaq» qaýymdastyǵy men MARWIN kompanııasy, «Samuryq-Qazyna» UÁQ» AQ-nyń qarjylandyrýymen jasady.
Aýdarma Almatydaǵy Cinema Tone Production stýdııasynda jasalyp otyr.
«Malefısentany» tárjimalaýǵa jalpy sany 20 akter qatysqan. Ataqty Gollıvýd aktrısasy Andjelına Djolıdiń daýysyn Gúlnáz Áýesbaeva saldy.
