Andjelına Djolı órmekshini qalaı jedi
ASTANA. QazAqparat - Kambodjaǵa barǵan amerıkandyq aktrısa Andjelına Djolı óz balalarymen birge ózgeshe tamaq túrinen, ıaǵnı qýyrylǵan órmekshilerden jáne basqa da jándikterden dám tatqan.
Ataqty ártis muny «Bı-bı-sıge» bergen suhbaty kezinde istedi.
Túski tamaq jaıly vıdeojazba Twitter-de BBC News (World paraqshasynda jarııalandy.
Suhbat barysynda amerıkandyq kelinshek, jergilikti halyq 1967 jyldan 1975 jylǵa deıin sozylǵan azamattyq soǵys kezinde jándikterdi jeýge májbúr bolǵandyǵyn eske saldy.
Djolı Kambodjada «Aldymen olar meniń ákemdi óltirdi» degen kartınanyń rejısseri retinde jumys jasaý úshin kelgen. Osy saparynda álemge tanymal óner ıesi alǵash ret Bred Pıttpen ajyrasý protsesi jaıly da áńgimeledi.
Onyń sózine qaraǵanda, aıyrylysý ekeýine de ońaı tımegen. Biraq buǵan qaramastan, olar árqashanda bir januıa bolyp qala bermek jáne bir-birin únemi qoldap júretin bolady. Sondaı-aq ortaq balalaryn birge tárbıelemek.
41 jastaǵy Djolı men 52-ni eńsergen Pıtt úsh asyrandy bala: Kambodja týmasy Meddoksty, Vetnamdyq Paksty jáne Efıopııadan Zahardy tárbıeleýde. Sonymen qatar bul juptyń bıologııalyq úsh balasy bar: qyzy Shaılo, egiz Noks pen Vıven.
