Andjelına Djolı kúıeýinen jasyryn jetinshi balany asyrap aldy
ASTANA. QazAqparat - Andjela Djolı óziniń kúıeýi, akter Bred Pıttan jasyryn kambodjalyq kedeı otbasynan shyqqan bir jasar Alloıa esimdi ul balany asyrap aldy, dep jazady Rosbalt RadarOnline basylymyna silteme jasap.
Basylym silteme jasaǵan derekkóz asyrap alý «qupııa áskerı operatsııany eske saldy» dep paıymdaıdy, óıtkeni Djolıdiń kúıeýi onsyz da úlken otbasyn odan ári keńeıtýge qushtar bolmaǵan.
Qazirgi kezde juldyzdy erli-zaıyptylar bala asyrap alý týraly aqparatty ázirge qýattaǵan joq. Olardyń otbasynda Alloıadan basqa, alty bala: 14 jastaǵy Meddoks, on jastaǵy Zahara, toǵyz jastaǵy Shaılo, 12 jastaǵy Paks jáne jeti jasar egizder Noks pen Vıven tárbıelenýde.
Alloıanyń týystary Sıem-Rıp qalasynyń lashyqtarynda turyp jatyr, onda Djolı 1975-1978 jyldarda «qyzyl khmerler» rejımi kezindegi el halqyna jasalǵan zulmat jóninde baıandaıtyn kambodjalyq jazýshy Lýng Ýngtiń «Áldymen olar ákemdi óltirdi: Kambodja qyzynyń estelikteri» kitaby boıynsha túsirilgen óziniń «Aldymen olar meniń ákemdi óltirdi» fılmin túsirgen bolatyn.
Bul kartınany Netflix kınokompanııasy túsirdi, stsenarııin Djolı Lýng Ýngpen birlesip jazdy, al prodıýserleri - Djolıdiń ózi men kambodjalyq rejısser Rıtı Pan. Kartınadaǵy rólderdiń birin Kambodjada týǵan Djolıdiń asyrap alǵan uly 13 jasar Meddoks oınady.
Andjela Djolı 13 jyldan astam ýaqyt boıy BUU-nyń bosqyndar isi jónindegi joǵarǵy komıssarıatynda Іzgi nıet elshisi bolyp keledi. Osy jyldar ishinde ol Kambodjadaǵy, Angoladaǵy, Ingýshetııadaǵy (Reseı), Osetııadaǵy (Reseı), Iordanııadaǵy, Iraktaǵy, Ispanııadaǵy, Pákistandaǵy, Aýǵanstandaǵy, Gaıtıdegi, Týnıstegi jáne basqa elderdegi bosqyndar lagerlerinde boldy.
