Andjelına Djolı kıno áleminen ketpekshi
ASTANA. QazAqparat - Belgili kınojuldyz endigi jumysyn BUU gýmanıtarlyq baǵytyna arnamaqshy, dep jazady sheteldik BAQ.
Gollıvýd juldyzy Andjelına Djolı kıno mansabynyń aıaqtalatynyn aıtty. Onyń ataqty rólderiniń sońǵysy, onyń aıtýynsha, mysyr hanshaıymy Kleopatranyń róli bolady. Endi ol BUU gýmanıtarlyq baǵytynda eńbek etýge nıetti.
Djolı VVS radıosynda sóz sóılep, ózi basty róldi somdaǵan jańa «Malefısenta» fılmin qoldaý maqsatynda jasalǵan týrne barysynda Kleopatra týraly fılmge túsýi múmkin ekenin aıtqan.
Budan buryn BUU bosqyndar isteri boıynsha joǵary komıssıardyń arnaıy elshisi retinde gýmanıtarlyq baǵytta jumys isteıtinin málimdegen Djolı Kleopatra fılmi onyń erekshe róli bolatynyn jasyrǵan joq.
Eske sala keteıik, taıaý kúnderi Djolı saıasat mansabyna aýysatynyn aıtqan bolatyn.
