Andromeda galaktıkasyndaǵy jaryq juldyzǵa Dımashtyń aty beriletin boldy
Bul týraly Qytaıdaǵy «Dımashtyń ápkeleri»（@迪玛希姐姐站_DimashSister）atty fanattar toby ózderiniń Veıbo áleýmettik jelisindegi jeke paraqshalarynda málim etti.
Málimet boıynsha, olar Amerıkanyń Name A Star Live jobasy arqyly Andromedadaǵy bir juldyzdy satyp alyp, ony Dımash Qudaıbergen degen atpen juldyzdar kartasyna engizipti. Budan bólek olar bul juldyzdyń ataýyn Space Service INC (SSI) tizimine engizip úlgergen. Bul tizim máńgi SSI-diń ǵaryshtaǵy muraǵatynda saqtalady.
Fanattar toby bul juldyzdy tosyn syı retinde Dımashqa tartý etpekshi.
«Ǵalamdaǵy eń jaryq juldyz bizdiń eń súıikti ánshimiz Dımash úshin», - dep jazady qazaqstandyq ónerpazdyń Qytaıdaǵy jankúıerler.
Andromeda shoqjuldyzy ІІ ǵasyrdaǵy áıgili grek-rım astronomy Ptolemeı belgilegen 48 shoqjuldyzdyń, qazirgi anyqtalǵan 88 shoqjuldyzdyń biri bolyp sanalady, biz turatyn Qus joly júıesine eń jaqyn ornalasqan alyp juldyzdyq júıe shoǵyry esepteledi. Ol grek mıfologııasyndaǵy arý - Andromedanyń atymen atalady.
