Androıdtyń jetinshi nusqasy shyǵady
ASTANA. QazAqparat - Androıdtyń jetinshi nusqasy 18 mamyrda jarııa etilýi múmkin, dep habarlaıdy rg.ru saıty.
Androıd jobasynyń kýratory Sýndar Pıchaı óz blogynda Google I/O konferentsııasynyń ótkiziletin ýaqytyn jarııalady, al jyl saıyn osy shara kezinde Androıdtyń jańa nusqasy kópshilik nazaryna usynylady.
Kýrator is-shara týraly tolyq aqparatty keıin usynatynyn málimdedi.
Google tuǵyrnamasynyń mobıldik nusqasyna jańa fýnktsııa qosylǵan, burynǵy qateleri túzetilgen, sondaı-aq jumys jyldamdyǵy arttyrylǵan. Qazirgi tańda Androıdtyń eń kóp taralǵan nusqasy Kitkat 4.4, smartfon, planshetterdiń sonymen jumys isteıdi. Budan keıingi Lollipop besinshi nusqasy qurylǵylardyń 33 paıyzynda, al eń sońǵy Marshmallow qurylǵylardyń bir paıyzyna ǵana taralǵan.
