Android platformasyn qurýshy Endı Rýbın Google-dan ketti
ASTANA. QazAqparat - Android platformasyn qurýshy Endı Rýbın robotehnıka salasynda startaptarǵa arnalǵan jeke ınkýbator qurý úshin Google-dan ketti. Bul týraly Lenta.ru The Wall Street Journal basylymyna silteme jasap habarlady.
Rýbın Android-tyń negizin qalaýǵa atsalysqan. Ony 2005 jyly Google kompanııasy satyp alǵan edi. 2013 jylǵa deıin osy mobıldi platformanyń ınternet-kompanııasy aıasynda jetekshilik etken.
Alaıda 2013 jyldyń naýryz aıynda bul qyzmetten ketip, Google-dyń ózge birqatar jobasymen aınalysqan. Rýbınniń basqarýymen Google robotehnıka salasyndaǵy portfolıosyn keńeıtti. Ol 2013 jyldyń jeltoqsanynda Boston Dynamics jáne 2014 jyldyń sáýirinde Titan Aerospace kompanııalaryn satyp alǵan.
