Android bazasynda qaýipti sýpervırýs paıda boldy
ASTANA. QazAqparat - Android bazasyna arnalǵan qosymshalardyń resmı emes magazınderinde joıylmaıtyn vırýs túri paıda boldy. Bul týraly mobıldi qurylǵylardy aqparattyq qorǵaýmen aınalysatyn Lookout kompanııasynyń blogynda habarlandy, dep jazady sheteldik BAQ.
Zııandy vırýs Facebook, WhatsApp, Twitter sııaqty áleýmettik jelilerdiń qalypty qosymshalary men klıentteri túrinde resmı emes magazınderge ornalastyrylady. Olardy kádimgi baǵdarlamadan ajyratý óte qıyn. Ornatqan kezde vırýs Android qorǵanysyn aınalyp ótedi de logın men paroldi qosa alǵanda, paıdalanýshynyń jeke aqparatyna qoljetimdilik alady. Qurylǵyǵa vırýs kirgen soń sóndirý múmkin emes, ony jarnamany qaıta-qaıta kórsetkeni arqyly ǵana bilýge bolady. Bul rette vırýsty óz betinshe joıý múmkin bolmaı otyr. Lookout kompanııasynyń mamandary qurylǵyny tazalaý úshin mamanǵa júgingen jón dep sanaıdy, al tek qaıta júkteýdiń esh paıdasy joq nemese jańa apparat satyp alýǵa týra keledi.
