Andreı Skabelka besinshi ret jeńilgen «Barysta» ózgeris jasaıtynyn aıtty
ÝFA. QazAqparat –«Barys» klýbynyń bas jattyqtyrýshysy Andreı Skabelka Qurlyqtyq hokkeı lıgasy aıasynda Ýfanyń «Salavat ıÝlaev» komandasymen ótken matchtan keıin baspasóz máslıhatyna qatysyp, Astana klýbynyń qarsylastan oısyraı jeńilýine túsinik berdi, dep habarlaıdy QazAqparat Sports.kz saıtyna silteme jasap.
«Oıyn týraly ǵana emes, jalpy aıtar bolsam, biz osyndaı yńǵaısyz jaǵdaıǵa túsip otyrmyz. Jeke bas qatelikteri óte kóp..., qazir aıtarǵa sóz tappaı qalatyn jaǵdaı qalyptasty dep málimdeýge bolady. Aramyzda «jolaýshylar» kóbeıip barady. Bul óte jaman, sebebi lıder bolýy qajet. Úıdegi matchtar sony aıǵaqtaǵan edi. Iá, jigitter jaraqat alǵan. iraq men árdaıym aıtyp kelemin, bireýdiń jaraqaty – az oınap kelgender úshin múmkindik. Óz kezeginde olar da kóp oınaǵysy keletinin aıtady. Biraq ispen dálel joq. Qazir tynyǵyp alamyz. Odan ári sheshim qabyldaıtyn bolamyz, mundaı jaǵdaıǵa moıynsuna almaımyz.
Oıynǵa keler bolsaq, biz jaman bastaǵan joqpyz. Keıin eki ret dop berilip, eki gol soǵyldy. Olar asa qaýipti bolmady. Degenmen, kez kelgen sát qaýipti. Qazir «Salavat ıÝlaev» óz babynda, jyldam kontrshabýyldar qoldandy», - dedi A.Skabelka.
Buǵan deıin habarlaǵanymyzdaı, búgin Qurlyqtyq hokkeı lıgasy aıasynda «Barys» Ýfada «Salavat ıÝlaevpen» kezdesti. Match 5:1 esebimen ýfalyqtar paıdasyna aıaqtaldy. Bul Astana komandasynyń qatarynan besinshi jeńilisi.
