Andreı Shýtov Slovakııanyń «Slovan» hokkeı komandasyna aýysty

ASTANA. KAZINFORM – Qazaqstandyq qaqpashy Andreı Shýtov Slovakııanyń «Slovan» hokkeı komandasyna aýysty. Bul jóninde slovakııalyq komandanyń baspasóz qyzmeti málim etti.

Bıylǵy maýsymdy Óskemen hokkeı mektebiniń túlegi elordalyq «Barys» komandasy quramynda ótkizdi.

Qaqpashy «Barys» júıesinde úsh jyldan astam ýaqyt ótkizdi. Ótken maýsymda ol Qurlyqtyq hokkeı lıgasynyń turaqty chempıonatynda barlyǵy 2000 mınýt oıyn ótkizdi.

Andreı Shýtov 1998 jyly 4 naýryzda Óskemen qalasynda dúnıege kelgen.

Qurlyqtyq hokkeı lıgasy turaqty chempıonatynda 39 oıyn ótkizdi.

Sondaı-aq ol bıyl Chehııada ótken álem chempıonatynda 6 matchta muzaıdynǵa shyqty.

«Slovan» Slovakııanyń toǵyz dúrkin chempıony atanǵan. Ulttyq chempıonatta sońǵy ret 2021-2022 jylǵy maýsymda jeńis tuǵyryna kóterilgen.