Andreı Malahov dekrettik demalysqa ketpek
ASTANA. QazAqparat - Reseılik telejúrgizýshi Andreı Malahov bala kútimine baılanysty demalysqa ketetindigin málimdedi.
Malahov bul týraly ózi redaktorlyq etetin «StarHit» jýrnalynyń saıtynda jarııalandy, dep habarlaıdy TASS.
«Ózim de muny kútkenim joq. Degenmen, ótken aptanyń basty jańalyǵy meniń dekrettik demalysqa shyǵýym bolyp otyr», - dedi Malahov.
«Tórtinshi balasy týǵannan keıin bala kútimine baılanysty 3 jylǵa demalys alǵan Novosibir opera jáne balet teatrynyń bas dırektory Vladımır Kehman sııaqty demalysty uzaq merzimge alatyndyǵym nemese óz sábıleriniń kútimine birshama az ýaqyt arnaǵan hanzada Ýılıams pen Krıshtıaný Ronaldý sekildi qysqartylǵan nusqa boıynsha áreket etetinim ázirge belgisiz», - dedi telejúrgizýshi.
Andreı Malahov Birinshi arnaǵa 1992 jyly keldi, sodan beri ártúrli baǵdarlamalarǵa sıýjetter men mátinder daıyndady. 2005 jyly efırge «Pýst govorıat» baǵdarlamasy shyqty, ol áli kúnge deıin jalǵasyp keledi.
