Andreı Karpovıch «Qyzyljarǵa» bas bapker boldy
NUR-SULTAN. QazAqparat - Qazaqstandyq maman Andreı Karpovıch Petropavldyń «Qyzyljar» komandasyna bas bapker bolyp taǵaıyndaldy, dep habarlaıdy QazAqparat tilshisi klýbtyń baspasóz qyzmetine silteme jasap.
Bapkerler quramyna ıÝrıı Chýhleba, Borıs Glýshkov jáne Aleksandr Petýhov engizildi.
Andreı Karpovıch 1981 jyly Semeı qalasynda dúnıege kelgen. Úlken fýtboldaǵy alǵashqy qadamyn elimizdiń «Elimaı», «Ertis», «Qaırat», «Aqtóbe», «Lokomotıv», «Ordabasy», «Atyraý», «Shahter», «Altaı» komandalarynda ótkizdi. Sondaı-aq, Reseıdiń «Rostselmash» jáne «Dınamo» (Máskeý) komandalarynda dop tepti.
2017-2018 jyldarda «Qaırat» komandasynda bapker jáne bas bapkerdiń mindetin atqarýshy boldy. 2019 jyldan beri «Oqjetpes» komandasynyń tizginin ustady. Byltyr kókshetaýlyq klýb Premer-lıgada sońǵy oryndy mise tutyp, birinshi lıgaǵa túsip qaldy.
Esterińizge sala ketelik, buǵan deıin «Qyzyljar» komandasynda bas bapkerlikti moldovalyq Vıacheslav Rýsnak atqardy.