Andreı Golýbev juptyq synda Germanııadaǵy jarystyń jartylaı fınalyna shyqty

ASTANA. QazAqparat – Qazaqstandyq Andreı Golýbev Germanııanyń Haılbronn qalasynda ótip jatqan chellendjer jarysynyń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi ýkraınalyq Denıs Molchanovpen birge eki kezdesýin jeńispen aıaqtady.

Qazaqstandyq-ýkraınalyq jup aldymen bosnııalyq Damır – Djýmhýr – reseılik Pavel Kotovty tize búktirdi – 7:6 (7:4), 6:3.

Dodanyń 4-raketkasy bolyp tirkelgen A.Golýbev pen D.Molchanov shırek fınalda frantsııalyq Djonatan Eısserık – meksıkalyq Mıgel Anhel Reıes-Varelamen sheberlik baıqasty.

Birinshi partııada breık jasaǵan Andreı men Denıs basymdylyq tanytty – 6:4. Sodan keıin ekinshi sette taı-breıkte jeńisti julyp aldy – 7:6 (7:4).

Bir saǵat 40 mınýtqa sozylǵan tartysty báseke barysynda Golýbev pen Molchanov 3 eıs jasap, 10 breık-poınttyń bireýin ǵana paıdalandy. Olardyń jartylaı fınaldaǵy qarsylastary keıin anyqtalady.

Júlde qory 145 myń eýroǵa baǵalanǵan atalmysh týrnır 11 maýsymda máresine jetedi.

Eske sala keteıik, budan buryn Elena Rybakınanyń álemdik reıtıngide TOP úshtikke engenin jazǵan edik.

Mıhaıl Kýkýshkın AQSh-taǵy týrnırdiń shırek fınalyna shyqty.

Arýjan Saǵyndyqova Taılandtaǵy týrnırdiń shırek fınalyna ótti.