Andreı Golýbev juptyq synda Aýstrııadaǵy týrnırdiń fınalyna shyqty

ASTANA. QazAqparat – Qazaqstandyq Andreı Golýbev juptyq synda Zaltsbýrg (Aýstrııa) chellendjer týrnıriniń fınalyna shyqty, dep habarlaıdy QazAqparat tilshisi.

Qazaqstandyq tennısshi ýkraınalyq Denıs Molchanovpen birge jartylaı fınalda jarystyń 1-raketkalary, serbııalyq Nıkola Kachıch – rýmynııalyq Vlad Vıktor Kornaıamen sheberlik baıqasty.

Qazaqstandyq-ýkraınalyq jup 6:2, 7:6 (7:1) esebimen jeńiske jetti. Olar 1 saǵat 20 mınýtqa sozylǵan matchta 1 eıspen birge 4 breık-poıntty túgel paıdalandy.

Qarsylastary 1 eıs, 2 breıkten (5 breık-poınt) asa almady.

A.Golýbev – D.Molchanov fınalda úndistandyqtar Anırýd Sandrasekar – Vıdjaı Sýndar Prashantpen bas júldeni sarapqa salady.

Taǵy bir qazaqstandyq Tımofeı Skatov ıspanııalyq Karlos Tabernermen birge Braýnshveıg (Germanııa) chellendjer dodasynyń jartylaı fınalynda frantsııalyqtar Per-ıÝg Erber – Artýr Reımonmen oınaýy tıis edi.

Alaıda T.Skatov pen K.Taberner matchqa shyqpaǵandyqtan, frantsııalyq dýet birden fınalǵa joldama aldy.

Eske sala keteıik, budan buryn Ýımbldonda Elena Rybakınany jeńgen Ons Jaberdiń fınalǵa shyqqanyn jazǵan bolatynbyz.

Sondaı-aq 16 jasar tennısshi Qazaqstan spartakıadasynyń chempıony atandy.

ıÝlııa Pýtıntseva Shvetsııadaǵy týrnırdiń fınalyna shyǵa almady.