Andreı Golýbev juptyq reıtıngide álemdegi úzdik 40 tennısshiniń qataryna endi
ORAL. QazAqparat – Qazaqstandyq Andreı Golýbev Kásipqoı tennısshiler qaýymdastyǵynyń (ATR) jańartylǵan reıtıngisinde juptyq synda 39-orynǵa kóterildi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, bul birden 43 satyǵa joǵarylaǵan A.Golýbevtiń sporttyq jolyndaǵy eń úzdik kórsetkishi bolyp tabylady.
Buǵan deıin A.Golýbevtiń úzdik nátıjesi 2015 jylǵy naýryzdaǵy 65-oryn bolatyn.
Sonymen qatar ótken aptada Rolan Garros týrnıriniń fınalyna deıin jetken Aleksandr Býblık pen Andreı Golýbev ATP-nyń chempıondyq kestesinde 7-orynǵa shyqty. Bul – Qazaqstan tennısi tarıhyndaǵy eń úzdik kórsetkish.
Eske sala keteıik, budan buryn qazaqstandyq tennısshilerdiń Rolan Garros jarysynyń fınalynda jeńilip qalǵanyn, al Ámir Omarhanovtyń Grýzııada ótken týrnırdiń chempıony atanǵanyn jazǵan bolatynbyz.
Sondaı-aq Elena Rybakına álemdik reıtıngide 21-orynǵa kóterildi.
