Andreı Golýbev Sofııa týrnıriniń shırek fınalyna shyqty

Qazaqstandyq Andreı Golýbev juptyq synda Sofııa (Bolgarııa) ATP 250 týrnıriniń shırek fınalyna shyqty, dep habarlaıdy Kazinform.

Qazaqstandyq tennısshi ýkraınalyq Denıs Molchanovpen birge bastapqy kezdesýin jarystyń 2-raketkalary, amerıkalyqtar Natanıel Lammons – Djekson Ýıtroýmen ótkizdi.

Birinshi partııada qazaqstandyq-ýkraınalyq dýet taı-breıkte ábjildik tanytty – 7:6 (8:6).

Ekinshi sette amerıkalyq jup ese qaıyrdy – 6:2.

Sýper taı-breıkte A.Golýbev – D.Molchanov tarazy basyn ózderine aýdardy – 10:7.

Saǵat jarymǵa jýyq ýaqytqa sozylǵan báseke barysynda olar 5 eıspen kózge tústi.

Amerıkalyqtar 8 eıspen birge 5 breık-poınttyń ekeýin paıdalandy.

Andreı Golýbev – Denıs Molchanovtyń shırek fınaldaǵy qarsylastary keıin belgili bolady.

Eske sala keteıik, budan buryn Beıbit Juqaevtyń Qazaqstannyń ekinshi raketkasy atanǵanyn jazǵan bolatynbyz.