Andreı Golýbev Rım týrnıriniń fınalynda jeńilip qaldy
ASTANA. QazAqparat – Qazaqstandyq Andreı Golýbev juptyq synda Rım chellendjer týrnıriniń fınalynda jeńilip qaldy, dep habarlaıdy QazAqparat tilshisi.
Qazaqstandyq tennısshi ýkraınalyq Denıs Molchanovpen birge fınalda osy jarystyń ekinshi raketkalary, kolýmbııalyq Nıkolas Barrentos – portýgalııalyq Fransıshký Kabralmen bas júldeni sarapqa saldy.
Kolýmbııalyq-portýgalııalyq jup 6:3, 6:1 esebimen jeńiske jetti.
Bir saǵattan sál astam ýaqytqa sozylǵan match barysynda A.Golýbev pen D.Molchanov 1 eıspen ǵana kózge tústi. Qarsylastary 5 breık-poınttyń tórteýin paıdalandy.
Eske sala keteıik, budan buryn Elena Rybakınanyń Madrıd masters týrnıriniń úshinshi aınalymyna shyǵa almaǵanyn jazǵan bolatynbyz.
Qazaqstandyq tennısshi Rımdegi týrnırdiń fınalyna shyqty.
Aleksandr Býblık Madrıdte álemniń jetinshi raketkasyna ese jiberdi.
Elena Rybakınanyń juptyq synda Madrıdtegi qarsylasy anyqtaldy.
