Andreı Golýbev KTQ reıtınginde birneshe ondaǵan satyǵa kóterildi
ASTANA. Shildeniń 26-sy. QazAqparat /Murat Jákeev/ - Andreı Golýbev Kásipqoı-tennısshiler qaýymdastyǵynyń (KTQ) reıtınginde birneshe ondaǵan satyǵa kóterildi. Bizdiń sportshy álemdik reıtıngtiń 37 ornyna shyqty, osydan eki kún buryn ol 82 orynda edi.
Osyndaı mártebeli orynǵa Qazaqstannan kelgen tennısshige Germanııada ótkizilgen KTQ týrnırinde kórsetken úzdik oıyny men jeńip alǵan chempıondyǵynyń arqasynda qol jetkizip otyr.
Jaqynda A.Golýbev 23 jasqa toldy. Reseı baspasózi habarlaǵandaı, jas sportshy tennıstik týrnır barysynda barlyq qarsylasyn oısyrata jeńe aldy.
Bıylǵy jyly Gambýrgtegi týrnırdiń aqshalaı qory shamamen jarty mıllıon eýrony qurady, onyń 228 myńy qazaqstandyq sportshynyń qanjyǵasynda ketti.
