Andreı Fendrıkov qazaqstandyqtardy birlik kúnimen aıryqsha quttyqtady
ASTANA. QazAqparat - Almatylyq dombyrashy Andreı Fendrıkov qazaqstandyqtardy birlik kúnimen aıryqsha quttyqtady, dep habarlaıdy QazAqparat.
«Halyqtarynyń birligi merekesi qutty bolsyn! S dnem drýjby narodov! Yntymaq júrgen jerde, yrys birge júredi!», - dep jazdy ol óziniń Feısbýkte júktegen vıdeorolıgine.
Andreı Fendrıkov áleýmettik jelide Aqyn Aqynych degen nıkpen tanymal. Ol áleýmettik jelige jarııalaǵan árbir vıdeorolıginiń sońynda «Barlyǵyna dombyra» dep aıtýymen talaıdyń esinde qalǵan edi.
Aıta keteıik, Qazaqstan halqynyń birligi merekesin jańa turpatta toılaý qajettigin, ony elimizdiń basty merekesine aınaldyrý ıdeıasyn Memleket basshysy Nursultan Nazarbaev kótergen bolatyn.
«Kóktemgi 1 mamyr merekesi bizdiń eldegi etnostardy burynǵydan da jaqyndastyra túsýi tıis. Bul bizdiń týǵan Qazaqstanymyzdaǵy 20 jylda qurǵan negizgi merekemiz bolady. Birinshi mamyr - birliktiń erekshe merekesi. Sondyqtan da, mamyrda tutas aı boıy jaqyndasýdyń barlyq jańa joldaryn baıqap kórý kerek. Al turaqtylyq bolmaǵan jerde damý da bolmaıtynyna qazirgi jer jahanda oryn alyp jatqan mysaldar jetkilikti. Sondyqtan da, birlikti tý etken elimiz Qazaqstan halqynyń birligi kúnin basty merekelerdiń birine aınaldyrýdy qoldap keledi. Jumys isteý qajet. Eger barlyq oblystarda tereńinen oılastyrsa, óte qyzyqty sharalar júzege asatyn bolady ári munyń elge paıdasy da zor », - degen edi Elbasy.
