Andreı Demchenko «Jeńis» komandasynyń bas bapkeri qyzmetine qaıta oraldy
ASTANA. KAZINFORM - Andreı Demchenko «Jeńis» fýtbol klýbynyń bas bapkeri qyzmetine taǵaıyndaldy.
Bul jóninde komandanyń baspasóz qyzmeti málim etti.
- Biz Andreı Anatolevıchtiń bul qyzmetke qaıta oralǵanyna shyn júrekten qýanyshtymyz. Oǵan tabysty jumys, jarqyn oıyndar men klýbpen birge jańa zor jeńisterge jetýin tileımiz! , - dep jazylǵan habarlamada.
Demchenko 2025 jylǵy Qazaqstan Premer-Lıgasy maýsymy barysynda komanda tizginin ýaqytsha qolǵa alǵan edi. Ol grek mamany Akıs Vavalıs pen Pıraly Alıevti almastyrǵan. Burynǵy bapkerler 12 oıynda birde-bir jeńiske jete almaǵan edi.
Demchenkonyń basshylyǵymen «Jeńis» 14 matchta 8 ret jeńdi, 5 ret teń tústi, 1 ret utyldy. Sonymen qatar komanda Qazaqstan kýbogynyń jartylaı fınalyna deıin shyqty.
Odan keıin ýkraınalyq maman Ázerbaıjannyń «Araz-Nahchyvan», Grýzııanyń «Iberııa 1999» klýbtarynda qyzmet atqardy.
Andreı Demchenko 1976 jyly Ýkraınada dúnıege kelgen. Sporttyq mansabynda Reseıdiń TsSKA, Nıderlandtyń «Aıaks», Ýkraınanyń «Metallýrg» (Zaporoje), «Ilıchevets», «Obolon», «Gelıos», Moldovanyń «Dachııa» klýbtarynda dop tepken.
2011 jyldan beri bapkerlik qyzmetinde Ýkraınanyń «Imeks», «Metallýrg» (Zaporoje), «Lvov», «Metallıst-1925», «Býkovına», Grýzııanyń «Dıla», «Dınamo» (Batýmı) klýbtarynda eńbek etti.
