Andreı Demchenko «Jeńis» fýtbol klýby bas bapkeri qyzmetinen ketti

ASTANA. KAZINFORM - Andreı Demchenko «Jeńis» fýtbol klýby bas bapkeri qyzmetinen ketti.

Bul jóninde komandanyń baspasóz qyzmeti málim etti. 

Olardyń habarlaýynsha, ýkraınalyq mamannyń kelisimshart merziminiń aıaqtalýyna baılanysty osyndaı sheshim qabyldanǵan. 

Andreı Demchenko astanalyq komanda tizginin jazda ustady.

Ol grekııalyq Akıs Vavalısti almastyrǵan edi.

Sodan beri «Jeńis» 17 kezdesýdiń 8-de jeńiske jetip, 6-da teń nátıjege qanaǵat bildirse, 1-de qarsylasyna ese jiberdi. 
Nátıjesinde elordalyq klýb 36 upaımen altynshy orynǵa taban tiredi.

Andreı Demchenko 1976 jyly Ýkraınada dúnıege kelgen. Sporttyq mansabynda Reseıdiń TsSKA, Nıderlandtyń «Aıaks», Ýkraınanyń «Metallýrg» (Zaporoje), «Ilıchevets», «Obolon», «Gelıos», Moldovanyń «Dachııa» klýbtarynda dop tepken.

2011 jyldan beri bapkerlik qyzmetinde Ýkraınanyń «Imeks», «Metallýrg» (Zaporoje), «Lvov», «Metallıst-1925», «Býkovına», Grýzııanyń «Dıla», «Dınamo» (Batýmı) klýbtarynda eńbek etti.