Andreı Chebotarev: Depýtattyq korpýstyń jańa quramyna úlken jaýapkershilik artylǵaly otyr
«Byltyrǵy qıyndyqtar halyqqa da, memlekettik bılikke de ońaıǵa túsken joq. Sebebi indet bireýdi baı, bireýdi kedeı dep bólmeı, kóz aldyndaǵysyn jaıpap ótti. Osyndaı jaǵdaıda ekonomıkalyq ahýaldy turaqtandyrý maqsatyna qol jetkizildi. Qoldanystaǵy zańnama aıasynda saıası reformalar júzege asty. Pandemııaǵa baılanysty saılaý merzimi ózgeretini, daýys berý onlaınǵa ótetini jaıly ártúrli alypqashpa áńgime bolǵan edi. Alaıda eldiń basshylyǵynyń eńbegin atap ótý kerek. Sebebi saılaý jetkilikti deńgeıde uıymdastyrylyp otyr. Jekelegen áreketterge baılanysty pikir talastyrýǵa bolady. Alaıda saılaý merziminde ótti, eń bastysy saılaý – 2021 jyldyń jańa saıası kezeńiniń qaqpasyn ashyp berdi», - dedi Andreı Chebotarev elordada ótken «SAILAU-2021: Parlament saılaýynyń aldyn ala qorytyndylary» atty saraptamalyq talqylaýda.
Saıasattanýshy Prezıdenttiń saıası reformalardyń ekinshi paketin daıyndap jatqanyn eske saldy. Tıisinshe, Parlament Májilisiniń jańa quramy Prezıdent bildirgen usynystardyń zańnamalyq jumysyn júrgizedi.
«Bul rette Májilistiń jańa quramyna úlken jaýapkershilik artylǵaly otyr. Bes partııalardyń keıbiri saılaýda ótpeı qalsa da olardyń ókilderi jergilikti máslıhattarda bolar degen senimdemiz. Sebebi óńirlerde belgili bir adam ákimdiktiń kómegimen saılanyp jatsa, eshteńe istemeı, óz múddesimen júrse – esh nárse ózgermeıdi. Esterińizge túsirip kórińizdershi, pandemııanyń shyrqaý sheginde máslıhattardyń tipti baryn umytyp kettik. Al qazir máslıhattardyń quramynda saıası partııalardyń ókilderi bolsa, olarǵa degen talap ta kúsheıer edi», - dedi ol.
