Andreı atty jankúıerler Arshavınniń «Qaırattaǵy» sońǵy oıynyna tegin kiredi
ASTANA. QazAqparat - Andreı esimdi jankúıerler «Qaırattyń» bıylǵy Qazaqstan chempıonatyndaǵy sońǵy matchyna tegin kiredi, dep habarlaıdy «SPORTINFORM» klýbtyń resmı saıtyna silteme jasap.
Eske sala keteıik, bul - Andreı Arshavınniń almatylyq klýb sapyndaǵy sońǵy oıyny.
«Eger sizdiń atyńyz Andreı bolsa - chempıonattyń sońǵy «Qaırat» - «Shahter» oıynyna tegin kire alasyz. Ol úshin jaı ǵana Ortalyq stadıonnyń kassasyna kelip jeke kýáligińizdi kórsetseńiz jetip jatyr. Bir bıletti qolyńyzǵa ustatady», - delingen klýbtyń málimdemesinde.
Andreı Arshavın «Qaıratpen» qosh aıtysatyn oıyn 11 qarasha kúni Almatynyń Ortalyq stadıonynda ótedi.
