Andreı Arshavınge Reseıden shyǵýǵa tyıym salyndy
NUR-SULTAN. QazAqparat - Fýtboldan Reseı quramasy men Almatynyń «Qaırat» klýbynyń burynǵy shabýylshysy Andreı Arshavın alımentten qaryz bolýyna baılanysty RF aýmaǵynan shyǵýyna tyıym salyndy, dep habarlaıdy Sports.kz portaly Sport-express.ru saıtyna silteme jasap.
«Arshavın áıeli Alısa Kazmınaǵa shamamen 1,5 mıllıon rýbl tóleýi tıis. Olar ajyrasý ústinde», - delingen habarlamada.
Arshavın men Kazmına 2016 jyldyń kúzinde shańyraq kótergen, al 2017 jyldyń aqpanynda olardyń qyzy Esenıa dúnıege kelgen.
Eske sala keteıik, Andreı Arshavın 2016-2018 jyldar aralyǵynda «Qaırat» sapynda óner kórsetip, 84 oıynda 24 gol soqqan.
