Andreı Arshavın: Sporttaǵy mansabymdy Qazaqstanda aıaqtaǵanyma ókinbeımin
ASTANA. QazAqparat - Reseı quramasy men «Qaırat» komandasynyń burynǵy oıynshysy Andreı Arshavın reseılik tilshige bergen suhbatynda sporttaǵy mansabymen qoshtasý týraly sheshimge qalaı kelgenin aıtty, dep habarlaıdy «SPORTINFORM» HAA.
«Sporttaǵy kareramdy Reseıde toqtatý týraly oı mende bolǵan joq. Kerisinshe, men ony Qazaqstanda aıaqtadym. Osy elde keremet deýge turarlyq úsh jyl ýaqytymdy ótkizdim. Anglııadan ketetin kezde fýtboldy qoıý týraly oılaǵan edim. Mundaı oı maǵan «Zenıt» jáne «Kýban» komandalaryna oınap júrgen kezde de keldi. Kóptegen adamdar maǵan áli oınaý turýǵa keńes berdi, dese de maǵan erte me, kesh pe, ketý kerek bolatynyn túsindim. Jazda men «Qaırat» komandasynyń prezıdentimen kezdesip, biz klýbtyń bolashaǵyn talqyladyq. Eger men onyń ornynda bolsam men sııaqtylarmen kelisimshart jasamas edim degen oıymdy aıttym. Ol meniń sózime qulaq asqan sııaqty»,-dedi Arshavın reseılik sport tilshisi Ilıa Kozakovqa «Foot'bolnye lıýdı» atty baǵdarlama barysynda.
