Andreı Arshavın «Qaırat» týraly kitap jazyp jatyr
ASTANA. QazAqparat - Tanymal qazaqstandyq saıasattanýshy Talǵat Qalıev «Qaırattyń» legıoneri Andreı Arshavın atalmysh fýtbol klýby týraly kitap jazyp jatqanyn aıtty. Reseılik fýtbolshy almatylyq klýbta 2016 jyldyń naýryzynan beri óner kórsetip júr, dep habarlaıdy QazAqparat «SPORTINFORM» SAA-ǵa silteme jasap.
Talǵat Qalıev bul jańalyqpen óziniń Telegramm-kanalynda bólisti.
Budan keıin, saıasattanýshynyń aqparatyn jýrnalıst, fýtbol sholýshysy Petr Volıkov rastady.
«Andreı Arshavın jazýshy retinde ózin jańa kásipte synap kórýde. Ol «Qaırat» týraly kitap jazyp jatyr», - dedi jýrnalıst.
Eske salaıyq, fýtbolshy 2016 jyldan beri almatylyq klýbta oınaıdy. «Nash fýtbol.kz» baǵdarlamasynyń júrgizýshisi Petr Volıkov debıýttik maýsymnyń basynda Arshavınniń Qazaqstan chempıonatynda 8 gol soǵatynyna kúmándanǵan edi. Andreı Arshavın básten jeńip, jýrnalıstiń shashyn ózi taqyr etip alyp tastaǵan bolatyn.
