Andre Ýord komandasy Gennadıı Golovkınmen bıyl kúzde jekpe-jek uıymdastyrmaq
ASTANA. QazAqparat - WBA (Super) nusqasy boıynsha ekinshi orta salmaqtaǵy álem chempıony Andre Ýordtyń komandasy qazaqstandyq boksshy, orta salmaqtaǵy WBA (Super), IBO jáne WBC (Interim) chempıony Gennadıı Golovkınmen bıyl kúzde jekpe-jek uıymdastyrýdy kózdep otyr, dep habarlaıdy Boxingnews24.com saıty ESPN sarapshysy, tanymal tilshi Den Rafaelge silteme jasap.
Onyń aqparatyna sáıkes, Ýord Golovkınmen aralyq salmaqta kezdesýge qulyqty. Sodan keıin amerıkalyq boksshy 175 fýntqa kóterilip, IBF/WBA/WBO chempıony Sergeı Kovalevpen shyqpaq.
«Búgin maǵan Ýordtyń komandasy Golovkınmen kúzde shyǵýdy josparlap otyrǵandyqtaryn aıtty. Keıin Kovalevke qarsy jekpe-jek jasamaq, bul zańdy da», - dedi Rafael ESPN-degi óziniń chatynda.
- Ýord jartylaı aýyr salmaqqa ótip, keıin GGG-ǵa qaıta túsýge múddeli emes. Eger Golovkınmen barlyǵy jaqsy ótse, 175 fýntqa kóteriledi».
Aıta keteıik, bunyń aldynda Gennadıı Golovkın Andre Ýordpen 164 fýnt salmaqta kezdesýge daıynmyn degen bolatyn. Onyń ústine qarjylaı paıdany «50 de 50» etip bólgen qısyndy dep atap ótken.
Sonymen qatar, Andre Ýordpen aradaǵy jekpe-jek boks úshin nómiri birinshi oqıǵa bolatyndyǵyn aıtty. Ázirge taraptar bul kezdesýdiń ótetini jaıly resmı habar taratqan joq.
