Andre Ýord: Golovkınmen jáne Chavespen tipti aldaǵy aıda judyryqtasýǵa daıynmyn
ASTANA. QazAqparat - Jaqynda ǵana Shon «Jay-Z» Karter basqaratyn Roc Nation Sports promoýterlik kompanııasymen kelisimshartqa otyrǵan álemniń myqty boksshylarynyń biri Andre Ýord qazaqstandyq boksshy Golovkın men meksıkalyq gúrzijudyryq 28 jastaǵy kishi-Chaveske ses kórsetip otyr, dep habarlaıdy boxingnews.kz portaly.
Aıtýynsha, ol eń aýyr synaqtarǵa jaýap berýge daıyn.
«Men árqashan kez kelgen usynysqa ashyq bolyp keldim, eshkimnen jasyrynǵan emespin», - degen onyń sózin keltiredi RingTV. - Qazir de sondaımyn. Menińshe, Golovkın jáne Chaves syndy jigittermen judyryqtasatyn ýaqyt keldi», - dep atap ótti ol.
«Eger maǵan kelesi aıda jekpe-jekke shyǵasyń dese, men oǵan da daıynmyn», - deıdi Ýord.
Eske sala keteıik, Ýord 2014 jyldyń sáýir aıynan beri bokstasqan emes. Sebebi Goossen Tutor promoýterlik kompanııasy men boksshy arasynda daý shyqty. Degenmen onyń quqyqtaryn Roc Nation Sports satyp aldy. Endi Ýordtyń kelesi jekpe-jegi qashan jáne kimmen ótetini anyqtalýda.
