Andrash Baka Vengrııanyń jańa prezıdenti bolyp saılandy
ASTANA. KAZINFORM - Buryn Majarstan Joǵarǵy sotyn basqarǵan Andrash Baka eldiń jańa prezıdenti bolyp saılandy. Onyń kandıdatýrasyn parlamenttiń 140 depýtaty qoldady, dep habarlaıdy BELTA.
Bul týraly Majarstannyń Nepszava gazeti jazdy.
Sheshim 11 tamyzda Majarstan parlamentiniń otyrysynda qabyldandy.
Jasyryn daýys berý kezinde 73 jastaǵy Andrash Bakaǵa 140 depýtat qoldaý bildirdi.
Jańa prezıdent ant berip úlgerdi. Alaıda ol qyzmetine 19 tamyzda resmı túrde kirisedi.
Andrash Baka 2009-2011 jyldary Majarstan Joǵarǵy sotynyń tóraǵasy qyzmetin atqardy.
Majarstannyń bıliktegi «Tısa» partııasy 8 tamyzda ony prezıdenttikke kandıdat retinde usynǵan bolatyn.
Buǵan deıin «Tısa» partııasy men Majarstan premer-mınıstri Peter Madıar eldiń burynǵy úkimet basshysy Vıktor Orban tusynda prezıdent bolyp taǵaıyndalǵan Tamash Shýıokty qyzmetinen ketýge májbúr etti.
Shýıok 18 shildede parlament 17-bap túzetý retinde qabyldaǵan Konstıtýtsııalyq ózgeriske qol qoıdy. Bul qujat onyń prezıdenttik qyzmetten shettetilýin kózdedi.
Shýıok atalǵan qujatty Konstıtýtsııaǵa qaıshy ári demokratııalyq qaǵıdattarǵa sáıkes kelmeıdi dep atady.
Alaıda ol Madıardyń qysymyna kóndi. Buǵan jańa úkimetpen saıası kúresti jalǵastyrý múmkindiginiń taýsylýy sebep bolǵan.
Majarstan – parlamenttik respýblıka.
Eldegi negizgi bılik premer-mınıstr men úkimettiń qolynda.
Majarstan prezıdentin parlament depýtattary kópshilik daýyspen saılaıdy.
Buǵan deıin Majarstan prezıdenti óz qyzmetinen ketýge múmkindik beretin túzetýge qol qoıǵan bolatyn.
