Andorra - Qazaqstan matchyn qaıdan kórýge bolady
ASTANA. QazAqparat - Búgin túnde fýtboldan Qazaqstan quramasy ÝEFA Ulttar lıgasy aıasynda Andorramen oınaıdy, dep habarlaıdy «SPORTINFORM» SAA.
Eske sala keteıik, Qazaqstan quramasy atalǵan týrnırdiń D lıgasynyń birinshi tobynda Grýzııa, Latvııa jáne Andorra quramalarymen oınaıdy. Birinshi týrda qazaqstandyqtar óz alańynda Grýzııaǵa 0:2 esebimen jol bergen, al Latvııa-Andorra kezdesýinde gol soǵylmaǵan bolatyn. Keshe grýzııalyqtar Latvııany bir gol aıyrmasymen utyp, toptyń aıqyn kóshbasshysy boldy.
Match Andorrada Astana ýaqytymen 11 qyrkúıekke qaraǵan túnde, 00:45-te bastalady. Onda Vılıalmıýr Torarınsson basshylyǵyndaǵy ıslandııalyq tóreshiler brıgadasy qazylyq etedi. Laınsmender - Iohann Gýdmýndsson jáne Bırkır Sıgýrdarson.
Oıyndy «Qazsport» telearnasy tikeleı efırden kórsetedi.
Foto: kff.kz
