Anatolıı Torkýnov Qasym-Jomart Toqaev jaıly: Joǵary deńgeıdegi halyqaralyq sheneýnik

NUR-SULTAN. QazAqparat – Qasym-Jomart Toqaev joǵary deńgeıdegi halyqaralyq shenýnik retinde tamasha jumys istedi. Mundaı pikirdi reseılik dıplomat, Máskeý memlekettik halyqaralyq qatynastar ınstıtýtynyń rektory Anatolıı Torkýnov bildirdi, dep habarlaıdy QazAqparat tilshisi.

Anatolıı Torkýnov «Eńserý» derekti fılmi barysynda Máskeý memlekettik halyqaralyq qatynastar ınstıtýty túlekteriniń jetistigi, ásirese Qazaqstan Prezıdenti qol jetkizgen bıik mártebesi ár ýaqytta da úlken qýanysh ekendigin basa aıtty.

«Bizdiń barlyq albomdar men qoıyn kitapshalardan Toqaevtyń sýretin jáne ol jaıly jyly sózderdi mindetti túrde kóresiz. Jáne de bul jaǵympazdyq emes. Ol shyn máninde shynaıy, izgi sezim. Men Jenevada kezdestim. Ol jaqta da Jenevada turatyn jáne jumys isteıtin Máskeý memlekettik halyqaralyq qatynastar ınstıtýty túlekteriniń qaýymdastyǵy qurylǵan. Qasym-Jomart Toqaevpen júzdestim. Ol joǵary deńgeıdegi halyqaralyq sheneýnik retinde minsiz jumys istedi. Onyń dıplomat retindegi qasıetin erekshe atap ótkim keledi. Óıtkeni, ulttyq elshilikte nemese ulttyq vedomstvoǵa basshylyq jasaý bir bólek. Al ondaǵan eldiń ókili sanalatyn san-alýan adamdarmen jumys isteý múldem bólek jaıt», - dedi reseılik dıplomat.