Anatolıı Karpov jınaǵan ǵarysh týraly sırek markalar kórmege qoıyldy
NUR-SULTAN. QazAqparat - QR Ulttyq mýzeıinde «Reseı-Qazaqstan - ǵaryshtyq dáýirdi tuńǵysh ashqandar» poshtalyq markalar kórmesi ashyldy, dep habarlaıdy QazAqparat tilshisi.
Ǵarysh keńistigin ıgerýge arnalǵan myńdaǵan poshta markalary shahmattan álemniń birneshe dúrkin chempıony Anatolıı Karpovtyń jeke kollektsııasynan alynǵan.
«Ǵarysh taqyrybyndaǵy markalardy alǵashqy jerserikter ushyrylǵan 1958 jyldan bastap jınap kelemin. Ózim de bala kezimide ǵaryshker-ushqysh bolýdy armandadym. Osy kúnge deıin 12 mln shaqyrym ushyppyn. Ekvatordyń uzyndyǵy 40 myń shaqyrym desek, Jerdi 300 ret aınalyp shyqtym.1970 jyldary marka jınaýdy myqtap qolǵa aldym. Shahmat pen ǵarysh markalaryn qatar jınadym. Qazir neshe markan jınalǵanyn ózim de bilmeımin, sanaǵan emespin. Onyń arasynda alǵashqy ǵaryshkerlerdiń, qazaqstandyq ǵaryshkerlerdiń qoltańbalary bar. 1990 jyldary Qazaqstan shyǵarǵan ǵarysh pen Almaty týraly markalar da bar», - dedi shahmatshy.
Onyń aıtýynsha, fılatelııa - bilim jınaýdyń bir joly. Sebebi, áir markanyń taqyryby boıynsha, túrli derekterdi bile alady.
Shahmattan úsh dúrkin álem chempıony, halyqaralyq grossmeıster Anatolıı Karpovtyń esimi fılatelıster arasynda da tanymal. Onyń markalarynyń quny 13 mln eýroǵa baǵalanǵan. BUU qyzmet etken 70 jyldaǵy ataýly kúnderge arnap shyǵarylǵan markalar toptamasy da tek qana Anatolıı Karpovta saqtalǵan.
Ǵarysh markalarynyń kórmesi 17 sáýirden 17 mamyrǵa deıin jalǵasady.
