Anasynan aqsha tartyp alýdy ádetke aınaldyrǵan elorda turǵyny 20 kúnge qamaldy
NUR-SULTAN. QazAqparat – Nur-Sultan qalasynyń polıtseıleri «Ýchaske» jedel-aldyn alý sharasynyń aıasynda ishki ister bóliminde esepte turǵan, otbasylyq-turmystyq qatynas salasynda quqyq buzýshylyq jasap júrgen, spırttik ishimdikke áýes tulǵalardy turǵylyqty mekenjaıy boıynsha tekserip jatyr, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.
Tekseris kezinde ýchaskelik ınspektorǵa egde jastaǵy áıel shaǵymdanyp, 34 jastaǵy balasynyń úıinde janjal shyǵaryp, aqshasyn tartyp alatynyn aıtty.
Er adam buryn talaı ret jaýapkershilikke tartylǵan.
Mamandandyrylǵan aýdanaralyq ákimshilik sotynyń sheshimimen er adamǵa 20 táýlik merzimge qamaýǵa alý túrindegi ákimshilik jaza taǵaıyndalǵan.
Eske sala keteıik, elorda polıtseıleri 1 qyrkúıekten bastap 1 jeltoqsanǵa deıin Nur-Sultan qalasynyń aýmaǵynda «Ýchaske» jedel-aldyn alý sharasyn ótkizip jatyr.
Shara bastalǵaly ýchaskelik ınspektorlarp 120 myńnan astam páter men 19 myńǵa jýyq jekemenshik túrǵyn úıge bardy. ІІB-da esepte turǵan 8 myńǵa jýyq adam tekserilgen.
Shara barysynda jalǵa beriletin bir myńǵa jýyq páter anyqtaldy, ol týraly aqparat Nur-Sultan qalasy memlekettik kirister departamentine jiberildi.
Jalpy alǵanda, jedel-aldyn alý sharasy bastalǵaly ákimshilik jaýapkershilikke 16 myńnan astam adam tartylǵan.
