Anasyna qol kótergen qyzylordalyq qamaýǵa alyndy

QYZYLORDA. QazAqparat - Qyzylordada 32 jastaǵy azamat týǵan anasyna qol kótergen. Zeınet jasyndaǵy qarııa túrli jaraqat alyp, úıinen ketýge májbúr boldy, dep habarlaıdy QazAqparat tilshisi.

Іshimdik ishken turǵyn týǵan anasyna qol kótergen. Mundaı jaǵdaı birneshe márte qaıtalanǵan. Túrli deńgeıde jaraqat alǵan áıel úıinen qashýǵa májbúr boldy.

«Jasy alpystan asqan qarııa daǵdarys ortalyǵyn panalaýǵa májbúr boldy. Polıtsııa tarapynan ol kisige qol kótergen azamatqa is qozǵalyp, sotqa joldandy. Sot tarapynan bir táýlikke qamaý jazasyn qoldaný týraly sheshim shyqqan.

Karantın kezinde oblysta 158 otbasynda turmystyq janjal tirkeldi. Ókinishtisi, olardyń bireýi adam ólimimen aıaqtaldy. Uryp-soǵý, ortasha aýyrlyqtaǵy dene jaraqatyn salý sekildi otbasyndaǵy qylmystardyń 70 protsenti azamattardyń ishimdik ishý saldarynan týyndaıdy. Osy rette polıtseıler «zorlyq-zombylyqqa jol joq» jedel-profılaktıkalyq sharasyn ótkizip keledi», - dep málim etti Qyzylorda oblystyq polıtsııa departamenti áıelderdi zorlyq-zombylyqtan qorǵaý tobynyń aǵa ınspektory Svetlana Baımaǵanbetova.

Sondaı-aq, Qyzylordada qorasynda esirtki ósirgen 61 jastaǵy aýyl turǵyny ustaldy.