Anasyna qol kótergen qostanaılyq qamaýǵa alyndy
QOSTANAI. QazAqparat - Qostanaı qalasynyń ákimshilik ister jónindegi mamandandyrylǵan soty 1966 jyly týǵan azamatqa qatysty isti qarady, dep habarlaıdy QazAqparat tilshisi.
Qala turǵyny I. QR ákimshilik quqyqbuzýshylyq kodeksi 73-baby 2-bóligi boıynsha aıyptaldy.
Ákimshilik quqyq buzýshylyq týraly hattamaǵa sáıkes, aǵymdaǵy jyldyń qazan aıynda azamat I. óz úıinde birneshe ret urys shyǵaryp, anasyn balaǵattap, uryp-soqqan.
Sot otyrysynda I. óz kinásin tolyǵymen moıyndady. Sot qaýlysymen oǵan 17 táýlikke ákimshilik qamaqqa alý jazasy taǵaıyndaldy.
Azamattyń is-áreketine qatań baqylaý qoıylyp, oǵan úsh aıdan alty aıǵa deıingi anasymen kezdesýge tyıym salyndy. Sonymen qatar I. ár aıdyń 1,10,30 kúnderi ýchaskelik ınspektorǵa kelip turýǵa mindetti.
Qaýly zańdy kúshine engen joq.
