Anasyn soqqyǵa jyqqan elordalyq 10 kúnge qamaldy
NUR-SULTAN. QazAqparat – Óz anasyn soqqyǵa jyqqan elorda turǵyny 10 táýlikke qamaýǵa alyndy, dep habarlaıdy QazAqparat Nur-Sultan qalasy polıtsııa departamentine silteme jasap.
«Ýchaske» jedel-aldyn alý sharasyn ótkizý barysynda Nur-Sultan qalasy Baıqońyr aýdanynyń polıtsııa basqarmasy ýchaskelik ınspektoryna 54 jastaǵy áıel kelip, balasynyń ishimdik iship, ony soqqyǵa jyqqanyn shaǵymdanyp aıtty.
Atalǵan faktimen sot-medıtsınalyq saraptama taǵaıyndaldy. Onyń qorytyndylary boıynsha «Densaýlyqtyń qysqamerzimdi nasharlaýy nemese jalpy eńbekke jaramdylyqtyń aıtqysyz joıylýyna ákelip soqtyrǵan densaýlyqqa qasaqana jeńil zııan tıgizý» babynyń 1-bólimimen ákimshilik óndiris qozǵaldy.
Aýdanaralyq ákimshilik sot sýdıasynyń qaýlysymen 31 jastaǵy er adamǵa 10 táýlikke qamaýǵa alý túrindegi jaza taǵaıyndaldy. Budan basqa, quqyq buzýshynyń tártibi 1 jyl merzimde qatań baqylaýǵa alynady.
Elordada «Ýchaske» is-sharasy ótip jatyr. Onyń maqsaty – qylmys pen zań buzýshylyqtyń aldyn alý jáne boldyrmaý boıynsha túsindirý jumysyn júrgizý.
Shara kezinde ýchaskelik ınspektorlar 223 myńnan astam páter men 27 myńnan astam jeke úıdi aralap shyqty. Іshki ister bóliminde esepte turǵan 13 277 tulǵanyń turǵylyqty orny tekserildi. Budan basqa, jalǵa berilip júrgen 2 800-den astam páter anyqtalǵan.
