Anasyn pyshaqtap óltirgen jigit 10 jylǵa sottaldy
QYZYLORDA. QazAqparat - Qyzylorda oblysynyń qylmystyq ister jónindegi mamandandyrylǵan aýdanaralyq sotynda Qazaqstan Respýblıkasynyń Qylmystyq Kodeksiniń 99-babynyń 1-bóligimen aıyptalǵan 30 jastaǵy jigitke aıyptaý úkimi jarııalandy, dep habarlady QazAqparat tilshisi oblystyq sotqa silteme jasap.
2017 jyldyń 30 naýryzynyń tańynda sottalýshy A. óziniń turaqty mekenjaıy mańyndaǵy dúkennen 2 shólmek spırttik ishimdik satyp alyp, ony úı aýlasyndaǵy garajdar arasynda otyryp ishken. Túski mezgilde úıine táltirekteı oralǵan ol anasymen janjaldasyp qalady. Araqtan kózi tumandanǵan ol anasyna qol jumsap, artynsha birneshe ret pyshaqtaıdy. Alǵan dene jaraqattary saldarynan anasy qaıtys bolǵan.
Qyzylorda oblysynyń qylmystyq ister jónindegi mamandandyrylǵan aýdanaralyq sotynyń úkimimen sottalýshy A. QR QK-niń 99-babynyń 1-bóligimen kináli dep tanylyp, 10 jylǵa bas bostandyǵynan aıyryldy. Jazasyn erekshe qatań rejimdegi túrmede óteýi belgilendi.
Úkim zańdy kúshine engen joq.
