Anasyn óltirip, denesin butarlap tastaǵan boıjetken ustaldy
ASTANA. QazAqparat - Indonezııa polıtsııasy Balı aralyndaǵy qonaq úılerdiń birinen denesi bólshektelip, shabadanǵa salynǵan AQSh-tyq áıeldiń máıitin tapty, dep jazady 24.kz.
Jan túrshigerlik qylmysqa kúdikti retinde 62 jastaǵy marqumnyń 19 jastaǵy qyzy men onyń 21 jasar dosy ustaldy. Polıtseılerdiń aıtýynsha, jastar qonaqúıge taksı shaqyryp, shabadandy kóliktiń artyna salǵan. Osydan keıin júrgúzýshiden sál kúte turýyn surap, sol jerden izin sýytqan.
Birqatar saraptama jumysynan keıin mamandar áıeldiń ólim aldynda birneshe dene jaraqatyn alǵanyn anyqtady. Qonaqúıdegi beınebaqylaýdyń birinde marqumnyń 21 jastaǵy jigitpen kelispeı qalyp, urysqan kezi túsip qalǵan.
Qazirge kúdiktiler taǵylǵan aıypty moıyndamaı otyr. Oǵan qosa Chıkago polıtsısy anasy men qyzy turǵan úıge 2004-2013 jyldar aralyǵynda 86 ret shaqyrý alǵandaryn jetkizdi. Tanystarynyń aıtýynsha, ekeýiniń qarym-qatynasy óte nashar bolǵan.
