Anasyn izdep astanaǵa ketip qalǵan jasóspirim tabyldy
MAQTARAL. QazAqparat - Maqtaral aýdanynda joǵalǵan jasóspirim tabyldy, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Aýdandyq polıtsııaǵa jergilikti turǵyn aryzdanyp keldi. Onyń aıtýynsha, 2 kún buryn kúndizgi saǵat 11:00 shamasynda kámelet jasyna tolmaǵan 16 jasar uly úıden shyǵyp ketip, qaıta oralmaǵan.
«Tártip saqshylary shuǵyl iske kirisip, izdestirý sharalaryn bastap ketti. Kórgen-bilgenderden surastyryp, telefon arqyly balanyń Nur-Sultan qalasynda ekeni anyqtaldy. Polıtsııa qyzmetkerleriniń jedel-izdestirý jumystarynyń nátıjesinde joǵalǵan jasóspirim ákesine aman-saý qaıtaryldy. Keıin anyqtalǵandaı, balanyń ata-anasy birneshe jyl buryn ajyrasyp ketken. Jasóspirim Nur-Sultanǵa anasyn izdep ketýi múmkin degen kúdikten soń anasymen telefon arqyly sóılesken tártip saqshylary balanyń sol qalada ekenin bildi. Alaıda, joǵalǵan jasóspirim anasyna baratynyn ákesine eskertpegen» delingen habarlamada.
Atalǵan jaıt boıynsha jasóspirimniń ákesi aýdandyq polıtsııa qyzmetkerlerine rızashylyǵyn bildirip, balasyn aman-esen taýyp bergeni úshin alǵys aıtty.
Óz kezeginde Túrkistan oblysy polıtseıleri ata-analarǵa balany baqylaýda ustap, aralasatyn ortasyn qadaǵalap, qaraýsyz qaldyrmaý jóninde keńes beredi.
