Anasyn izdegen bolıvııalyq bala júk kóligimen myń shaqyrymdy júrip ótti
ASTANA. 13 mamyr. QazAqparat - 10 jasar bolıvııalyq bala anasyn izdep júk kóligimen myń shaqyrymdy júrip ótti, dep habarlady sársenbide jergilikti BAQ.
"Balaqaı Orýro qalasyndaǵy ákesiniń úıinen qashyp shyǵyp, anasy temir torda jazasyn ótegen Kochabambaǵa deıin barýdy nıet etedi. Alaıda qatelesip, Chılıge bara jatqan júk kóligine minip alǵan. Ol qural-saımanǵa arnalǵan jáshiktiń ishinde eki táýlikti as-sýsyz ótkizedi. Keıin ony Chılı qalashyǵynan bir áıel taýyp alyp, tamaqtandyrǵan. Bala sol jerden bastap odan suhbat alǵan Chılı telearnasynyń basty jańalyqtarynyń birine aınalady", - dep habarlaıdy ITAR-TASS.
Keıin belgili bolǵandaı, onyń anasy bir aı buryn bostandyqqa shyǵyp, azdap aqsha tabý úshin dala jumystaryna ketken eken. Esesine Chılı baspasóziniń nazary onyń balasyna aýyp, bolǵan oqıǵalar olardyń qaıta qaýyshýyna kómektesti.
