Anasyn balǵamen uryp óltirgen qyzylordalyqqa úkim shyqty
QYZYLORDA. QazAqparat - Qyzylorda oblysynyń qylmystyq ister jónindegi mamandandyrylǵan aýdanaralyq soty óziniń anasyn balǵamen uryp óltirgen 26 jastaǵy jigitke úkim shyǵardy. Oǵan Qazaqstan Respýblıkasy Qylmystyq kodeksiniń 99-baby 2-bóliginiń 3-tarmaǵymen aıyp taǵylǵan edi, dep habarlaıdy QazAqparat tilshisi.
Málim bolǵandaı, aıyptalýshy sol kúni jıen inisimen, odan keıin kórshisimen ishimdik ishken. Olardyń ekeýi de úılerine ketip qalǵan. Bul kezde jigittiń ekinshi toptaǵy múgedek anasy uıyqtap jatqan. Sottalýshy anasynyń basy, keýde tusynan birneshe márte balǵamen uryp, aıaǵymen tepkilegen. Aýyr jaraqat alǵan áıel sol jerde kóz jumǵan.
Ol Qyzylorda oblysynyń qylmystyq ister jónindegi mamandandyrylǵan aýdanaralyq sotynyń úkimimen 17 jylǵa bas bostandyǵynan aıyryldy. Jazany qylmystyq-atqarý júıesiniń qaýipsizdigi barynsha joǵary mekemesinde óteıdi.
Ádilet QAŃTARBAEV
