Anasyn balaǵattap, jeti kúnge qamaldy
ASTANA. QazAqparat - Pavlodar oblysy Jelezın aýdandyq sotynda otbasynda janjal shyǵarǵan er adamǵa qatysty ákimshilik is qaraldy, dep habarlaıdy pavlodarnews.kz.
Іs materıalyna súıensek, ol bıylǵy jyly 13 jeltoqsan kúni túski mezgilde óz úıinde anasy men otbasy múshelerine balaǵat sózder jaýdyrǵan. Er adam QR Ákimshilik quqyq buzýshylyq týraly kodeksiniń 73-baby, 2-bóligi boıynsha ákimshilik óndiris qoldanǵannan keıin úı ishiniń shyrqyn buzýdy toqtatpaǵan.
"Anasy bergen shaǵym, polıtsııa ınspektorynyń raporty jáne ákimshilik quqyq buzýshylyq týraly hattamaǵa sáıkes onyń kináli ekeni dáleldengen. Sot qaýlysymen er adam jeti kúnge ákimshilik qamaýǵa alynyp, is áreketine erekshe talap qoıyldy. Qaýly zańdy kúshine engen joq",-delingen oblystyq sot baspasóz qyzmetiniń habarlamasynda.
