Anasyn balaǵattaǵan jigit sot aldyna keldi - Qyzylorda
QYZYLORDA. QazAqparat - Qyzylorda qalasynda anasyn balaǵattaǵan azamat sot aldyna keldi, dep habarlaıdy QazAqparat tilshisi.
Bul ákimshilik is Qyzylorda qalasynyń mamandandyrylǵan ákimshilik sotynda qaraldy. Azamat N-ǵa qatysty Qazaqstan Respýblıkasynyń Ákimshilik quqyq buzýshylyq týraly Kodeksiniń 73-babynyń 1-bóligimen ákimshilik is qozǵaldy.
Ol Qyzylorda qalasyndaǵy úıine kelip, óziniń anasyna bylapyt sóılegen. Osylaısha otbasy janjaly týyndaǵan.
«Ózine qatysty ákimshilik quqyq buzýshylyq týraly is júrgizilip jatqan tulǵa N. Qazaqstan Respýblıkasynyń ÁQBtK-niń 73-babynyń 1-bóligimen kináli dep tanyldy. Oǵan ákimshilik jaza retinde eskertý jasaldy» - dep jazylǵan Qyzylorda qalasynyń mamandandyrylǵan ákimshilik soty habarlamasynda.
